Efri árin

Við ætlum að endurvekja öldungaráð borgarinnar og efla samstarf við hagsmunasamtök eldra fólks.

Við ætlum að tryggja að bílastæði fylgi nýjum íbúðum sem byggðar eru fyrir eldra fólk.

Við ætlum að innleiða 60.000 kr. árlegt frístundakort með tekjutengingu fyrir 67 ára og eldri.

Við ætlum að innleiða tilkynningavef vegna ofbeldis gagnvart eldra fólki í samstarfi við félagsþjónustuna.

Við ætlum að fjölga bekkjum í borgarlandinu á sólríkum og skjólgóðum stöðum.

Við viljum gera fólki kleift að búa heima svo lengi sem það kýs með því að efla heimahjúkrun og heimaþjónustu.

Við ætlum að auka velferðartækni í þjónustu við eldra fólk.

Við ætlum að ráðast í átaksverkefni svo auka megi tæknifærni eldra fólks.

Við ætlum að tryggja að eldra fólk í þjónustu borgarinnar hafi gott aðgengi að hollum og góðum mat.

Við ætlum að efla félagsstarf eldra fólks og vinna markvisst að því að draga úr einmanaleika.

Við ætlum að auka afslætti af fasteignasköttum eldri borgara og færa þá til samræmis við nágrannasveitarfélög.

Við ætlum að styðja við uppbyggingu lífsgæðakjarna í Reykjavík.

Við ætlum að tryggja lóðir og liðka til fyrir húsnæðisuppbyggingu á vegum hagsmunasamtaka eldra fólks.

Við ætlum að gera átak í uppbyggingu hjúkrunarheimila í samstarfi við ríkið og einkaaðila s.s. Grund, Hrafnistu ofl.

Við ætlum að fjölga upphituðum göngustígum svo hægt verði að ganga í öllum veðurskilyrðum.

Við viljum að Reykjavík verði besti staður í heimi til að eldast.