Fjölskyldur

Við ætlum að hefja viðræður við vinnustaði um stofnun leikskóla eða daggæslu fyrir börn starfsmanna.

Við ætlum að sníða umgjörð um dagheimili, nýtt daggæslustig fyrir 12 til 30 mánaða börn í Reykjavík.

Við ætlum að semja við einkaaðila um uppbyggingu hagkvæms húsnæðis fyrir leikskóla og dagheimili í Reykjavík

Við ætlum að setja okkur mælanleg markmið um aukinn árangur í skólastarfi og stefna að skólakerfi í fremstu röð.

Við ætlum að hefja tveggja ára tilraunaverkefni með símafrí í grunnskólum og mæla árangurinn.

Við ætlum að tryggja óskertan opnunartíma frístundaheimila til klukkan 17 á virkum dögum.

Við ætlum að vinna með barna- og menntamálaráðherra og kennurum að því að færa einkunnagjöf aftur á talnakvarðann 1-10.

Við ætlum að innleiða systkinaforgang í leikskólum borgarinnar.

Við ætlum að tryggja heimgreiðslur í allt að 12 mánuði fyrir þau sem kjósa að vera lengur heima að loknu fæðingarorlofi.

Við ætlum að efla íslenskukennslu fyrir starfsfólk dagheimila og leikskóla.

Við ætlum að semja við félag dagforeldra um hærri niðurgreiðslur og gjaldskrá sem samræmist gjaldskrá leikskóla borgarinnar.

Við ætlum að ráðast í aðgerðir til að draga úr 10% veikindahlutföllum hjá starfsmönnum í leikskólum borgarinnar.

Við ætlum að hefja samtal við barna- og menntamálaráðherra um afnám eins leyfisbréfs og styttingu leikskólakennaranáms svo auðvelda megi mönnun leikskóla.

Við ætlum að hefja læsisátak í grunnskólum borgarinnar og mæla árangurinn.

Við ætlum að innleiða samræmt námsmat í öllum árgöngum grunnskólans og samræmt lokapróf úr grunnskólum borgarinnar.

Við ætlum að birta opinberlega niðurstöður úr PISA og samræmdum mælingum grunnskólanna.

Við ætlum að auka framlög til bókakaupa á skólabókasöfnum borgarinnar.

Við ætlum að ráðast í verkefnið „Syngjandi skólar“ og gera grunnskólum borgarinnar kleift að innleiða söng í auknum mæli í skólastarf.

Við ætlum að hefja skógræktarátak með grunnskólabörnum í Reykjavík.

Við ætlum að tryggja að fjölgun leikskólaplássa sé unnin í samræmi við spálíkan um fjölgun barna með það að markmiði að eyða biðlistum.

Við ætlum að tryggja að minnsta kosti 300 pláss á nýjum dagheimilum fyrir 12 til 30 mánaða börn.

Við ætlum að hefja uppbyggingu hreystileikskóla eða -dagheimila í samstarfi við íþróttafélögin.

Við ætlum að endursemja við sjálfstætt starfandi leikskóla svo styrkja megi rekstrargrundvöll þeirra.

Við ætlum að tryggja öllum fjölskyldum sem þess óska pláss fyrir börn sín í leikskóla eða dagheimili innan hverfis.

Við ætlum að innleiða móttökudeildir í grunnskólum fyrir börn sem flytja hingað til lands og þekkja hvorki íslenska tungu né íslenskt samfélag.

Við ætlum að tryggja að börnum bjóðist hafragrautur við upphaf grunnskóladags.

Við ætlum að endursemja við sjálfstætt starfandi grunnskóla svo styrkja megi rekstrargrundvöll þeirra.

Við ætlum að fjölga valkostum í skólakerfinu fyrir börn með sérþarfir.

Við ætlum að efla aðgengi að þroskaþjálfum, talmeinafræðingum og mikilvægri stoðþjónustu í leik- og grunnskólum meðal annars með tæknilausnum.

Við ætlum að innleiða aukna hreyfingu í skólastarf og bæta gæði skólamáltíða.

Við ætlum að auka áherslu á STEAM fög í grunnskólanum.

Við ætlum að tryggja fjölskyldum áreiðanlegar lausnir strax í kjölfar fæðingarorlofs.

Við ætlum að leiða íslenskt skólakerfi í röð 10 fremstu í Evrópu.