Hreyfing og útivist

Við ætlum að leyfa þeim sem reka íþrótta- og tómstundastarf að kynna starfsemi sína í grunnskólum borgarinnar.

Við ætlum að kortleggja aðstöðumál íþróttafélaga og fjárframlög til þeirra svo forgangsraða megi verkefnum og tryggja jafnræði milli félaga.

Við ætlum að hleypa af stað verkefninu „allir æfa“ sem hvetur til þátttöku allra barna í skipulögðu íþrótta- og tómstundastarfi.

Við ætlum að virkja fleiri börn af erlendum uppruna til þátttöku í skipulögðu íþrótta- og tómstundastarfi.

Við ætlum að lengja opnunartíma sundlauga til kl. 22 um helgar að vetri en til miðnættis um helgar að sumri.

Við ætlum að færa listnám í auknum mæli inn í grunnskólann í samstarfi við sjálfstætt starfandi aðila.

Við ætlum að endurskoða samninga borgarinnar við tónlistarskólana með það að markmiði að fleiri börn geti lært á hljóðfæri.

Við ætlum að kortleggja vanefndir á samningum borgarinnar við íþróttafélögin og viðhaldsþörf og setja fram tímasetta aðgerðaáætlun til úrbóta.

Við ætlum að tryggja í samstarfi við hverfisíþróttafélög að börn í yngstu bekkjum grunnskólans geti æft margar íþróttir fyrir eitt gjald.

Við ætlum að auka samfellu milli skóla, frístundar, íþrótta og tómstunda svo auðvelda megi líf fjölskyldunnar.

Við ætlum að bæta aðstöðu fyrir afreksstarf með íþróttafélögunum.

Við ætlum að vinna að uppbyggingu þjóðarleikvangs- og hallar í samstarfi við ríki og einkaaðila.

Við ætlum að lyfta sögu Viðeyjar og skilgreina hana sem öflugt útivistarsvæði með golfvelli, gönguleiðum og veitingaþjónustu.

Við ætlum að byggja upp aðstöðu við sjávarsíðuna til útivistar og afþreyingar.

Við ætlum að endurvekja og byggja upp aðstöðu til skíðaiðkunar og útvistar í Skálafelli í samstarfi við einkaaðila.

Við ætlum að stöðva fyrirhugaða lokun Heiðmerkur og tryggja að þetta verðmæta svæði verði áfram aðgengilegt.

Við ætlum að koma öllum börnum í Reykjavík í virkt íþrótta- eða tómstundastarf.

Við ætlum að gera Reykjavík að útivistarborg á heimsmælikvarða.